Höfuðbeina- og spjaldhryggjarmeðferð

Á þessu tveggja daga kynningarnámskeiði kynnumst við grunnhugsun höfuðbeina- og spjaldhryggjarmeðferðar með áherslu á skynjun, snertingu og hæfni til að hlusta á það sem gerist í líkamanum.

Við byrjum á því að þjálfa létta snertingu og læra að finna taktinn á eigin hátt. Þaðan vinnum við áfram með hlustastöðvar á mismunandi stöðum líkamans og skoðum hvernig takturinn getur breyst frá einum stað til annars.

Á námskeiðinu kynnumst við einnig stöðvun taktsins, þverhimnulosun, vinnu með mænuslíður, orkubeitingartækni og því hvernig skyndilegar breytingar eða stopp geta komið fram meðan á vinnunni stendur.

Megináherslan er ekki að allir finni það sama. Við viljum frekar hjálpa hverjum þátttakanda að þróa eigin skynjun og læra að þekkja og treysta því sem hann finnur.

Líkaminn leiðir. Hendurnar fylgja.

Þú þarft ekki að finna það sama og aðrir. Lærðu að þekkja og treysta því sem þú finnur.